Su progetu de EJA, est nàsciu de s’atòbiu intra su giru de s’atra muneda SARDEX (www.sardex.net) e TERRA DE PUNT (www.terradepunt.it), bolit arrespundi a s’abisòngiu de is siendas de tenni unu canali de comunicatzioni chi potzant manigiai – siat web e siat digitali terresti – pinnighendi apari fainas culturalis de grandu calidadi, promotzioni de is impresas e de is logus. EJA est unu progetu glocal, bonu a pinnigai apari genti e siendas e a promovi su traballu, sa cultura e is logus.
EJATV (www.ejatv.com) est nàscia a intru de su festival Mitzas su 18 e su 19 de ladàmini 2014, e tenit giai diferentis canalis: Astros (scièntzia e tecnologia), Éntula (arti), Lugore (spetàculu e spàssiu), Novas (informatzioni), Siendas (impresas sardas), Sonos (mùsica), Diàriu Isport e Terra (naturalesa, archiologia e ambienti). Norabonas e a meda anuus cun sa speràntzia de dda biri chitzi a intru de su digitali terrestri.
