Est arribada s’editzioni de otòngiu de su festival Spaziomusica (www.
Nàsciu in su 1982 e fundau de su composidori nugoresu Franco Oppo, ocannu is atividadis ant a essi spratzias intra de su Tzentru de Arti e Cultura “Il Ghetto” e s’Auditòrium Comunali de pratza Dettori de su 14 a su 31 de ladàmini 2014.
A su festival, cun sa diretzioni artìstica de Fabrizio Casti, ant a sonai artistas natzionalis e internatzionalis chi ant a sonai mùsica contemporànea e de circa fata cun strumentus acùsticus e ainas eletrònicas, performada in improvisatzioni e struturas serradas, mùsica a bortas est posta a pari cun s’arti de su vìdiu.
Nc’ant a essi 9 apuntamentus cun prus de 20 cuntzertus e fintzas una rassìnnia de vìdius a pitzus de is logus abandonaus.
