Torrat su Prèmiu Andrea Parodi

Cust’annu puru sa Sardigna est su tzentru de unu de is prèmius prus de importu po sa world music in Europa dedicau a unu de is gigantis de sa cultura nosta, Andrea Parodi, chi s’at lassau su 17 de su mesi de ladàmini 2006 ma chi sighit a bivi cun s’arti sua, una erèntzia chi abarrat in su tempus.
De su 9 a s’11 de su mesi de ladàmini, in s’auditòrium de Pratza Dettori in s’apendìtziu de sa Marina in su tzentru de Casteddu, dexi concorrentis de totu s’Europa, chi a parti sa cantzoni in gara ant a cantai fintzas una cantzoni de Andrea Parodi in sardu, una manera sintzilla po portai a innantis, in su benidori is bellus fueddus de issu. Presentant Gian Maurizio Foderaro (Radio Rai) e Ottavio Nieddu, sa diretzioni artìstica est de Elena Ledda e nci funti ospitis cumenti Abeer Neheme (Lìbanu), Duo Botasso (Piemonti), Unavantaluna (Sitzìlia), Elva Lutza (Tàtari), Renat Sette (Ocitània) e Francesca Incudine. S’intrada est lìbera.