Un’Orchestra Mediterrànea a sa Biennali de Venètzia

Sa GEO – Galata Electroacoustic Orchestra est una orchestra (Galata est su nòmini de s’apendìtziu genovesu de Istanbul) cun trintacuatru musicistas chi ndi bennint de is universidadis e conservatòrius de Casteddu, Barcellona, Gènova e Istanbul.
Sa GEO est un’orchestra innui su sonu de is traditzionis popolaris de is culturas de su Mediterràneu bennint murigadas e amesturadas cun s’eletrònica.
S’annu passau a pustis de mesis de traballus ant pesau unu cuntzertu “Compasso da navegare” a su Porto Antico de Genova. Ocannu sa GEO est arribada a sa Biennale de Venètzia a intru de sa Biennale Musica, a intru de sa Corderia dell’Arsenale. S’orchestra dd’ant dirìgia is maistus Roberto Doati e Tolga Tüzun cun sa partecipatzioni de s’artista de su sonu Sinan Bökesoy.
Est un’eventu in collaboratzioni cun su Conservatorio Statale di Musica Niccolò Paganini (Gènova), Istanbul Bilgi Üniversitesi (Istanbul), Istanbul Teknik Üniversitesi (Istanbul), Universitat Pompeu Fabra (Barcellona) e Conservatorio Statale di Musica Giovanni Pierluigi da Palestrina (Casteddu).