assessoratoistruzionesardegna

bannerappx


NEWS & APPUNTAMENTI
NOVAS

Pubblicato il 29 ottobre 2014 | di Radio X

0

UNU MUNTONI DE LIBUREDDUS DE ASCURTAI

Ddu scieis ita s’iat a praxi? A traballai no’ sceti po bosatrus, ma cun bosatrus. Provaus a si contai s’idea. “Tempus de oi” est una trasmissioni in sardu chi andat de un’arrdiu chi si narat Radio X – Cagliari Social Radio, berus? E duncas, ita c’est de prus “social” de sa genti chi fait is cosas impari?

“Tempus de oi”, donnya dì provat a si contai ita est sutzedendi in Casteddu, e ita movit is arrexonamentus de is casteddaius, mancai partendi de s’atra part’e su mundu. E fintzas a innoi nci seus. Duncas, a nosus s’iat a praxi a sciri si teneis gana de intendi unu contu, si teneis calincuna curiosidadi, si s’iat a fai prexeri a s’arrispundi in calisisiat disigiu de arradiu tengais. Nosus s’emus a bolli ponni a dispositzioni de bosatrus: boleis chi si conteus sa storia de sa Sagrada Familia e de Gaudì? Chi arrexoneus de Apocalypse Now? Chi presenteus unu libru? Un’inventzioni? boleis intendi in sardu sa storia de is biaxus de Gulliver? Scrieisì!

Nosus sigheus a cumbidai genti in studiu: artistas, genti de scientzia e de arrexonamentus, cuncordadoris e appariciadoris e a ddus domandai. Aundi no bastaus nosus ge’ nci funt issus.
S’iat a praxi a fai puntadas de podi stuggiai e torrai a intendi, commenti unu de i-cussus librus chi si comprant a s’aeroportu e s’agatant in domu passau un annu o duus. Custu: emus a bolli ponni impari unu muntoni de libureddus de ascurtai candu teneis gana e tempus, e si ddus arregalai po arrengratziai chi s’ascurtais donnya di’.
E sigumenti s’arregalu si fait po fai cuntentu su festau, s’iat a praxi a s’intendi, a sciri ita storias boleis a si contai.
Ita si ndi parit?

Condividi su:
Share on FacebookTweet about this on TwitterShare on Google+Email this to someone


L'autore



I commenti sono chiusi

Torna su ↑