Totus funti fueddenti de is Gigantis de Monti Prama. Ita si movit, aintru, a biri custus ominis de perda? Poita si parit chi si depant chistionai, chi si depant imparai cosa? In is contus antigus de is populus de totu su mundu torrat sempri calincuna storia de statuas de perda, o de ferru, o de brunzu, fatas de sa manu de s’omini chi, scipias fai e scipius is brebus giustus, si movint e ponint a menti. In custa puntada si contaus de Talos, giganti de brunzu fatu de Efesto e de is Golem, ominis de terra alidaus de is rabbinus ebreus.
Podcast: Download
