Darajart: s’assòtziu Cherimus a Nairobi

“Darajart est unu logu chi si fait biri una parti de mundu a bortas scarèscia o pensadas tropu a illargu. Darajart est unu ponti chena de trèminis… Ponit a pari duus continentis. A bosatrus sa capassidadi de cumprendi sa distàntzia!”
Custus funt is fueddus de Marco Colombaioni (s’imbenteri de su progetu) chi si faint cumprendi su valori de Darajart apariciau de s’assòtziu Cherimus de Perdaxus impari a s’assòtziu Amami de Milanu. Darajart, ca in lìngua Kiswahili bollit nai ponti, est una residèntzia po artistas de totu su mundu, unu logu de arti, de circa, de atòbiu e acapiada a is arrealidadis Kenianas prus de importu. Est una residèntzia artìstica innui is artistas s’ant a arrelatai cun un’arrealidadi ùnica, Kibera, un’apendìtziu de Nairobi, chi est sa prus manna baracòpoli de totu s’Africa sub-Sahariana, abi bivint in 225 ètarus prus de unu milioni de personas chena de àcua, eletricidadi e fanu in domus de ludu e arrogus de metallu. Acapiaisì a su giassu www.cherimus.net po tenni prus informatzionis a pitzus de custu progetu e fintzas po connosci totu is atividadis de s’assòtziu Cherimus.