Mùsica alternativa in Casteddu de Susu

In su tempus passau a intru de is tiatrus s’ascurtada s’òpera e sa mùsica clàssica, oi sa mùsica alternativa e s’eletrònica, cumenti si fait in totu su mundu. Su Tiatru Tzìvicu de Casteddu in bia de Candia in su coru de Casteddu de susu at a essi su spàtziu principali (impari a su Ghetto, sa Turri de su Liofanti e su Tiatru se Santa Croce) innui ant a fai su festival Karel Music Expò sa de otu editzioni apariciau de sa cooperativa Vox Day, tres diis de cuntzertus (e de arti) cun prus de dixannoi artistas de su indie-folk a s’eletrònica. Ocannu nci funt duus artistas chi ant fatu sa stòria de sa mùsica eletrònica, is Mouse on Mars de Germania e su sound system de is The Orb (UK). Impari a issus Bud Spencer Blues Explosion, Lilies on Mars, Saffronkeira, Bologna Violenta, Perry Frank, Trees of Mint, Maria Antonietta e meda atrus. Su festival at sighiri po tres diis fintzas a sàbudu su cuàturu de su mesi de ladàmini.